In la helo shaqo

Dib u cusboonaysiinti ugu dambeysay: 19 6 2019

Waxaad shaqo u raadin kartaa qaabab kala duwan.

  • Adigu waxaad booqan kartaa Goobta shaqooyinka banaan (Platsbanken) ee Xafiiska Shaqada bogeeda intarnatka kana raadin kartaa shaqo dhanka ogeysiisyada ku saabsan shaqooyinka banaan.
  • Waxaadla xiriiri kartaa shirkadaha shaqaalaysiinta. Shirkad shaqaalaysiin waxay shaqaale ka kireeyaan shirkado kala duwan.
  • Waxaad la xiriiri kartaa shirkadaha shaqaalaha qora. Shirkad shaqaale qortaa waxay dad u heshaa shirkad doonaysa ina shaqaalaysiiso shaqaale cusub.
  • Waxaad ka jawaabi kartaa xayaysiisyada joornaalada maalinlaha ah ama ku yaala Intarnatka.
  • Waxaad la xiriiri kartaa shaqo bixiye.
  • Waxaad weydiin kartaa dadka aad garanayso.

Xirfadaha gudaha Iswiidhan

Waxaad caawimaad ka heli kartaa Yrkesguiden haddii aanad hubin nooca xirfad ee kugu haboon ama waxa xirfadaada micnaheedu ka tahay Iswiidhan. Yrkesguiden waa aalad kombiyuutar taas oo Xafiiska Shaqada ay soo saartay.

Gudaha Yrkesguiden waxaa ku jira macluumaad ku saabsan:

  • Waxa xirfadaha kala duwan micnahoodu yahay.
  • Inta ay leegtahay fursada in la helo shaqo ah dhinaca xirfad cayiman.
  • Nooca waxbarasho iyo waayo-aragnimo ee ay tahay inaad haysato si aad u hesho shaqada xirfado kala duwan.

Waxaa kale oo jira filimo sharaxaya qaar badan oo ka mid ah xirfadahan.

Yrkesguiden wuxuu ku turjumanyahay iswiidhish, ingiriisi, carabi, faarsi, soomaali iyo tigrinya.