Uppsala län

Dib u cusboonaysiinti ugu dambeysay: 29 10 2018

Gobolka Uppsala waxuu ka mid yahay gobollada ugu koritaanka badan wadanka Iswiidhan oo dhan. Magaala madaxda gobolka waa Uppsala waxaana ku nool 200 000 oo ka mid ah 345 000 oo qofood ee ku nool gobolka oo dhan. dhulka dabiiciga ah wxuu isugu jiraa qeybo kala duwan waxaana ku yaal keymo waaweyn, jaziiradooyin. Gobolka waxaa ku yaal ilaa 250 balliyo dhul jaziiradeedkana waxaa ku yaal 11 300 oo jaziirado. Gobolka Uppsala waxuu ka mid yahay mid gobollada ganacsiga ee gobolka Stockholm, magaalada Stockholm bartameedana waxuu tareenka kugu geynayaa 40 daqiiqo.

Degmooyinka ku yaala Uppsala län

Dooro degmada ah Uppsala län ee aad doonaysid inaad wax dheeraad ah ka akhrisato xagga hoose

Xaalada guryaha

Uppsala waa gobol la jecelyahay in la dego waana gobol marka kasta sii kobcaya. Waa gobol xoogaa yar waxaa ka jira xiir wanaagsan oo dhinacyada gaadiidka dadweynaha ah waxeeyna u dhowdahay meelo badan oo istaraatiiji ah. Waxaa gobolka ka jirta guryo la'aan, laakiin waxaa meelo badan oo gobolka ka mid ah laga dhisaa guryo badan. In la haqabtiro baahida dhinaca guryaha ah waa arrin eey xooga saarayaan degmooyinka uu gobolka ka koobanyahay.

Wax soosaarka ganacsiga iyo shaqo bixiye

Shaqa bixiyayaasha ugu weyn ee gobolka waa degmooyinka, jaamacada Uppsala, jaamacada beeraha och maamulka gobolka. Waaxda gaanshaadhiga iyo warshada waxsoosaarka ee Sandvik Coromant AB kuna taal Gimo iyo shaqa bixiyayaal kaloo badan. Waxaa jira shirkado badanoo yaryar kuwaasoo aad usoo badanaya.

Iskoolaad iyo waxbarasho

Uppsala waa magaalo jaamacadeed leh dhaqamo badan waxaana magaalada ku yaal labo ka mid ah jaamacadaha ugu fiican wadanka oo dhan waxaana la dhahaa Uppsala universitet iyo Sveriges lantbruksuniversitet. Jaamacadaha waxeey leeyihiin qeybo waxbarasho iyo qeybo baaritaanada kala duwan luga sameeyo oo heer caalami ah leh. Waxaa kaloo ku yaal machado farsamada lagu barto sida iskoolka waxbarasha farsamada ee Enköping.

Daryeelka bukaanka

Maamulka caafimaadka waxeey mas'uul ka yihiin goobaha xanaanada daryeelka ee gobolka. Uppsala waxaa ku yaal isbitaalka Akademiska, oo ka mid ah isbitaallada ugu waaweyn ee wadanka Iswiidhan, degmada Enköping waxaa iyadana ku yaal isbitaal. Intaas marka laga reebo waxaa ku yaal 51 rugag caafimaad oo ku kala yaal gobolka oo dhan. daryeelka caafimaadka iyo rugaga ilkaha waxaa iyaga xataa mas'uuliyadooda haayo maamulka gobolka ee caafiimaadka.

Dhaqan iyo waqtiga firaaqaha

Uppsala waxeey leedahay nolol dhaqameed aad qani u ah, waxeeyna isugu jiraan tiyaatarro, matxafyo, riwaayad iyo munaasabadooyin kala duwan. Degmo kasta waxeey leedahay nolol jaaliyadeed wanaagsan iyo howlo firfircooni oo xiili firaaqaha loogu tala galay. Degmooyinka waxey kaloo leeyihiin goobo hawa baxsiga loogu tala galay. Waxaana jira meelo badan oo dalxiis iyo tamashleyn loo aado sida meela jaziiradaha.

Jaaliyado iyo ururu – bulshada rayidka ah

Gobolka waxaa ka jira jaaliyado badan sida jaaliyadaha dhaqanka, kuwa isboortiska, kuwa qowmiyadaha kala duwan, ururo diimeedyo iyo hey'adaha gargaarka iyo kuwa kaloo badan. Maamulka gobolka waxuu bilaabay mashruuc kor loogu qaadayo muhiimada eey leedahay shaqooyinka iskaa wax u qabso ah marka laga hadlaayo dadka qaxootiga ah iyo sideey ula qabsan lahaayeen bulshada, waxaana la rabaa iskaashato badan oo ka mid ah jaaliyadaha ineey wax ka geystaan howlaha guud sida laama iyo shaqooyinka dowladda iyo is dhexgalka bulshada. Natiijada kasoo bixi karto ayaa ah in dadka soo galootiga ah eey daremaan in wadankooda cusub lagu soo dhaweeynayo iyo ineey xiriir cusub la sameeyaan qeybo ka mid ah bulshada.